چۆنیەتی پاشەکەوتکردنی ناوەکان لە ئایفۆن ؟
ئامانج لەم هەنگاوانەی خوارەوە ئەوەیە کەوا نوسخەیەکی ناوەکانی ناو مۆبایلەکەمان پاشەکەوت بکەین نەوەک مۆبایلەکەمان لێ وون ببێت یاخود تێک بچێت یان هەر شتێکی تر . ناوەکان پاشەکەوت دەکرێن بە وێنە و هەموو زانیاریەکانیەوە . وە دەتوانی دواتر بەکاریان بهێنیتەوە لەسەر ئامێرێکی تری ئایفۆن یان هەر ئامێرێکی تر کەوا بە سیستەمی ئەندرۆید کار بکات . فەرموون لەگەڵم بن بۆ جێبەجێکردنی هەنگاوەکان
1 – لە کۆمپیوتەرەکەت ماڵپەری www.icloud.com بکەوە
2 – هەمژارە تایبەتەکەت داخل بکە کەوا لەسەر ئایفۆنەکەت کاری پێ دەکەیت
3 – ناوەکان دیاری بکە Contacts
4 – هەموو ناوەکان دەبینی کەوا لە ناو ئامێرەکەتدا هەن . هەردوو دوگمەی Ctrl+A دابگرە لە ویندۆز و Command+A لەسەر ئامێرەکانی ماک
5 – لە خوارەوە لای چەپ کلیک بکە لەسەر ئایۆنی Settings و Export vCard دیاری بکە و لە ناو کۆمپیوتەرەکەت پاشەکەوتی بکە بە هەر ناوێکی کە خۆت دایدەنێیت
چەند تێبینیەک :
. دەتوانی چەند ناوێک دیاری بکەیت کە خۆت دەتەوێت نەوەک هەموو ناوەکان
. ئێستا لەسەر کۆمپیوتەرەکەت نوسخەیەکی ناوەکانت هەیە هەر کاتێک بتەوێت دەتوانی بەکاری بهێنیت
چەند بەرنامەیەک لە App Store کە هەمان کار دەکەن
چەندین بەرنامە هەیە کە هەمان کاری پاشەکەوتکردنی ناوەکان دەکەن و هەندێکیان بە پارە و هەندێکیشیان بە خۆڕاییە وە ئەوانە باشترین بەرنامەکانن
بەرنامەی Easy Backup بەخۆڕاییە و لەگەڵ چەند تایبەتمەندیەک وەکو فلتەرکردنی ناوەکان و زۆر شتی تریش . وە دەتوانی نوسخەیەک لە ناوەکانی پاشەکەوتکراو بنێریت بە ئیمێل و هەروەها بەرنامەکە پاڵپشتی لە زمانی عەرەبیش دەکا .
بەرنامەی My Contacts Backup یەکێکە لە بەرنامە بەناوبانگەکان لەو بوارەدا . وەشانی بە خۆڕایی هەتا 500 ناو دەتوانی پاشەکەوت بکەیت
…………………
_________________________________
