بۆ پیاوان…به‌م كارانه هه‌لی منداڵبوونت له‌ده‌ست ده‌ده‌یت و تووشی نه‌زۆكی ده‌بیت
ئایا ده‌زانی كۆمه‌ڵێ ڕه‌وشت وئاكار هه‌ن كاریگه‌ری له‌سه‌ر پیاوان درووست ده‌كات و هه‌لی منداڵبوون له‌ده‌ست ده‌ده‌ن و تووشی نه‌زۆكیان ده‌كه‌ن .
ئه‌م عاده‌تانه ڕۆژانه پیاوان ئه‌نجامیان ده‌ده‌ن و ده‌بێته هۆی له‌ناوچوونی توانای نێرینه‌یی پیاوان و تووشی نه‌زۆكیان ده‌كه‌ن ، له‌به‌ر ئه‌وه پێویسته ئاگاداری ئه‌م جۆره كارانه بیت كه ئه‌نجامیان نه‌ده‌یت .
ئه‌م عاده‌ت و كارانه‌ش بریتین له :
. دانانی لاپتۆپ له‌سه‌ر لاقه‌كانت یاخوت ئه‌ندامی نێرینه‌ت : ئه‌م ڕه‌وشته خراپه كاریگه‌ری له‌سه‌ر توانای سێكسیت درووست ده‌كات و به نه‌رێنی له‌سه‌رت ده‌شكێته‌وه . بۆیه دانیشت به‌م شێوه‌یه بۆ ماوه‌ی 4 كاتژمێر به‌سه بو ئه‌وه‌ی %25 توانای تۆوی پیاو یاخوت توانای سێكسیت له‌ناو بچێ ، ئه‌مه‌ش به‌هۆی به‌رزی پله‌ی گه‌رمی ئه‌م ئامێره‌وه‌یه له‌م كاته‌دا .
. دانانی مۆبایل له ناو گیرفان : به گوێره‌ی لێكۆڵینه‌وه‌كان پله‌ی گه‌رمی مۆبابله هه‌ڵگیراوه‌كان كاریگه‌ری ڕاسته‌وخۆی له‌سه‌ر توانی نێرینه‌یی درووست ده‌كات، بۆیه پێوسته له له شوێنێك هه‌ڵی بگرین كه‌له ئه‌ندامی نێرینه‌ت دوور بێت .
. مانه‌وه له گه‌رماو یان ساونه‌ی گه‌رم : پاش ته‌واو بوونی وه‌رزش چوون بۆ ساونه‌ی گه‌رم و مانه‌وه له‌م شوێنه بۆ ماوه‌یه‌كی زۆر، به‌هۆی پله‌ی گه‌رمی زۆره‌كه‌یه‌وه كاریگه‌ری نه‌رێنی ده‌بێت بۆ سه‌ر توانای نێرینه‌یی ئه‌م كه‌سه . ئه‌مه بۆ گه‌رماویش هه‌ر ڕاسته كاتێ پلی گه‌رمی زۆر و ئاوێكی زۆر گه‌رمی تێدایه .
. جل و به‌رگی ته‌سك : به له‌به‌ر كردنی ئه‌م جۆره جل و به‌رگانه كه‌سه‌كه تووشی زیان لێكه‌وتن ده‌بێته‌وه له ئه‌ندامی نێرینه‌ی چونكه له‌م كاته‌دا هیچ هه‌وایه‌ك و ئاڵوگۆڕیه‌ك له‌پله‌ی گه‌رمی درووست نابێت .
. خواردی خێرا: خوادنی ژه‌می خێرا وا ده‌كات كه پێكهاته‌و هۆرمۆمی ته‌واو بۆ ئه‌ندامی نێرینه‌ی نه‌چێت و تووشی زیان ببێت .
سه‌رچاوه:rojana.net
_________________________________
