ئەندازیارێكی سعوودی، كاتژمێرێكی تازە دادەهێنێت، كە هاوجووڵەی سووڕانەوەی دەورەی كەعبەیە، بە جۆرێك بە پێچەوانەی كاتژمێرەكانی دیكە كار دەكات.
فایز شەهری، ئەندازیاری خاوەن داهێنان، بە ماب نیوزی راگەیاندووە،
كە كاتژمێری دەوری كەعبە، پێچەوانەی تەواوی كاتژمێرەكانی دنیایە، بە جۆرێك دەنەكانی هاوجووڵەی سووڕانەوەی موسڵمانانە بە دەورەی كەعبەی پیرۆزدا،
ئەوەیش هەمان ئەو ئاراستەیەیە كە زەوی بە دەورەی خۆی و خۆردا دەسووڕێتەوە.
ئەو ئەندازیارە روونی كردووەتەوە، بیرۆكەكەی گوزارشت بووە لە كۆمەڵێك هێڵكاری، كە لە ماوەی دە ساڵدا دیزایینی كردووە، بەڵام خۆی ڕادەستی ئەستەمییەكانی ئەو پڕۆژەیە نەكردووە و بیرۆكەكەی پێشكەشی شاری شا عەبدولعەزیز بۆ زانست و تەكنیك كردووە، لەگەڵ نموونە و دیزایینی كاتژمێرەكە،
بۆیە بە یارمەتی شارەكە، سەركەوتوو بووە لە دروستكردنی یەكەم كاتژمێری لەو جۆرە.
یەكەم كاتژمێری دروستكراو، هەڵگری ناوی (سەلمان)ـە و لەسەری نووسراوە لە (مەككەی موكەڕڕەمە) دروست كراوە و بە دیاری داویەتی بە شا سەلمان عەبدولعەزیز. كاتژمێری دووەمیشی پێشكەشی ئەمیری مەككە كردووە.
