چۆنییەتی درووست کردنی مڕەبای شوتی
پێداویستییەکان
- ٣ کوپ توێکلی شوتی
- نیو کوپ شەکر
- توێکڵی ١ پڕتەقاڵ
- نیو لیمۆ
- دارچین
هەنگاوەکان
پارچە توێکلەکان لە بەشە سەوزەکەی پاک دەکرێتەوە و لەشێوەی چوارگۆشەی بچووک لەت دەکرێت.
ئاوی کوڵاو بەسەر پارچە لەتکراوەکان دادەکرێت تاوەکو تەواو نقوم دەبن و کە ئاوەکە سارد بۆوە بۆ ماوەی شەوێک لەناو یەخچاڵ هەڵدەگیرێت، بۆ رۆژی دواتر ئاوەکە لە شوتییەکە دەردەهێنرێت تا وشک دەبێتەوە، بەڵام ٢ کوپ لەم ئاوە هەڵدەگیرێت، دواتر توێکڵە شوتییەکان لەگەڵ ٢ کوپ ئاوەکە تێکەڵ دەکرێتەوە و دەخرێتە ناو مەنجەلێک و لەسەر ئاگرێکی مامناوەندی دەکوڵێنرێت.
کە ئاوەکە کوڵا، ئاگرەکە کز دەکرێت و وازی لیدێنین تاوەکو ١٠ چرکە، ئێستا نیوەی شەکرەکەی تێدەکرێت و تێکدەدرێت تاوەکو باش دەتوێتەوە، دارچین و توێکڵی پرتەقاڵەکەی تێبکە و جارێکی تر ئاگرەکە کز دەکرێت.
بۆ ماوەی یەک کاتژمێر دەکوڵێنرێت و جاروبار تێکدەدرێت، بەڵام دەبێ سەری مەنجەڵەکە بە نیوەیی دانبرێت و ئەگەر پێویستی بە ئاو هەبوو دەتوانیت ئاوی تری تێ بکەیت، کە ڕەنگی توێکڵە شوتییەکان روون بوو ئەو کات بەتەواوی کوڵاوە.
مڕەباکە دەکرێتە ناو شوشەیەک و لەناو یەخچاڵ هەڵدەگیرێت.
_________________________________
