پێش فرۆشتنی ئایفۆنەکەت ئەم کارانە ئەنجام بدە

١/ باکەپ کرد: ئەم ئامڕازە ڕێگەدەدات زانیاریە تایبەتەکانی ناو ئایفۆنەکەت لای خۆت هەڵبگریت، واتا پاش فرۆشتنی زانیاریەکان هەر لای خۆت دەمێننەوە، لەڕێگەی ئای کلاود دەتوانیت ئەم کارە ئەنجام بدەیت.

٢/ سڕینەوەی هەموو وێنەکان لە بەشی Camera Roll: زۆرێکمان کێشەمان هەیە لەگەڵ چۆنیەتی مامەڵە کردن بە وێنەتایبەتەکانمانەوە، بۆیە پێویستە پێش فرۆشتنی ئامێرەکەمان وێنەکان بگوازینەوە بۆ ناو کۆمپیوتەرەکەمان و لە ئایفۆنەکەدا بیسڕینەوە، بەمەش زانیاریەکانت ناچێتە لای کەسی بەرامبەر.

٣/ کوژاندنەوەی iMessage: iMessage تایبەتمەندیەکی ئایفۆنە کە لەڕێی ئەکاونتەکەتەوە دەتوانیت پەیوەندی بە هاوڕێکانتەوە بکەی لەو ناوچانەی هێڵی ئینتەرنێت بەردەستن، بۆ داخستنی ئەو تایبەتمەندیە ئەم هەنگاوانە جێ بەجێ بکە:

Messages > پاشان گرتە لە iMessage دەکەین و Offـی دەکەین

٤/کوژاندنەوەی تایبەتمەندی Facetime: ئەم ئامڕازە تایبەتە بە پەیوەندی کردن بە هاوڕێکانتەوە بەشێوەی دەنگی یاخود ڤیدیۆ، بۆ کوژاندنەوەی ئەم ئامڕازە لەسەر ئایفۆنەکەت ئەم هەنگاوانە جێ بەجێ بکە:
دەچینە Settings > پاشان دەچینە بەشی Facetime و بەهەمان شێوە Offـی دەکەین.

٥/ سڕینەوەی هەژماری ئای کلاود: گرنگترین بەشە لە ئایفۆندا کە کەسی بەرامبەر بتوانێت لەڕێیەوەی دەستی بگاتە زانیاریەکانت، بۆیە هەمیشە دەبێت ئاگاداری ئەو هەژمارەمان بین، بۆ سڕینەوەشی ئەم هەنگاوانە جێ بەجێ بکە:

ئایکۆنی Setting دەکەینەوە > پاشان دەچینە بەشی iCloud > لە بەشی خوارەوەیدا گرتە لە Delete Account دەکەین و لەسەر ئامێرەکەمان دەیسڕینەوە.

٦/ چونەدەرەوە لە هەژماری ئەپڵ: بۆ Logout کردنی هەژماری سەرەکی ئەپڵ ئەم هەنگاوانە جێ بەجێ دەکەین:

گرتە لە Setting دەکەین > پاشان دەچینە بەشی iTunes&App Stores > پاشان گرتە لە Apple ID دەکەین و Logout دەبین.

٧/ ریستۆرکردن: ڕیستۆرکردن هاوشێوەی فۆڕمات کردنە کە زۆربەمان شارەزاین و دەزانین مەبەست لەم کارە چییە، مەبەست لەم کارە سڕینەوەی هەموو داتاکانی ناو ئایفۆنەکەیە و دوبارە ئینستاڵ کردنەوەی داتاکان و گەڕانەوەی بۆ (خەزنی شەریکە) ، بەم شێوەیە جێ بەجێی دەکەین:
گرتە لەسەر ئایکۆنی Setting دەکەین > دەچینە بەشی General > پاشان Reset > لەم بەشەدا ئەبێت ئاگادار بین تەنها گرتە لەسەر Earse All Content And Settings بکەین > پاشان ئایفۆنەکەمان ڕیستۆر دەبێت کە ١٠-١٥ خولەکی پێدەچێت.
………

ئاماده‌كردنی : شفان رفیق