زانیاری تهواوی کۆنگرەکەی ئەپڵ
![](https://3.bp.blogspot.com/-SiPHgjSDTmU/V9ByZtr5EVI/AAAAAAAAB9Y/4C0pItJbdkI7R5MTUQqjW83kFWoVvL4KACLcB/s1600/18792016_iphone77916.jpg)
لە سان فرانچيسکۆی ويلايەتە يەکگرتووەکانی ئەمريکا و بە ئامادەبوونی هەوادارێکی زۆر، کۆمپانيای ئەپڵ ئيڤێنتێکی تايبەتی ئەنجام دا بەمەبەستی ئاشکراکردنی نەوەی نوێی ئايفۆن و کۆمەڵێک بەرهەمی ديکە.
سەرەتای ئيڤێنتەکە بە قسەکردنی تيم کوکی بەڕێوبەری کۆمپانيای ئەپڵ دەستی پێکرد و باسی لە بەرەوپێشچوونی بەرهەمەکانی رابردوويان کرد، بەجۆرێک ئەپڵ موزيک ١٧ مليۆن بەکارهێنەری تێپەڕاند.
![apple-music-17-million](https://9to5mac.files.wordpress.com/2016/09/apple-music-17-million.png?w=1000)
وێنەيەکی تيم کوک لەکاتی قسەکردندا
دواتر ميامۆتۆ هاتە سەر ستەيج و باسی لە بەرهەمهێنانی ياری سوپەر ماريۆ کرد بۆ ئايفۆن، چۆنيەتی کارپێکردنی روونکردەوەو رايگەياند لە ماوەيەکی نزيکدا بەردەست دەبێت بۆ ئايفۆن و دەتوانن لە رێگەی ئەپڵ ستۆرەوە دايگرن.
![apple-september-2016-event-nintendo_17](https://9to5mac.files.wordpress.com/2016/09/apple-september-2016-event-nintendo_17.jpg?quality=82&strip=all&strip=all)
ميامۆتۆ
دواتر بەرهەمی نوێی کاتژمێرە دەستييەکەی ئەپڵ راگەياندرا بە ڤێرژنێکی بەرزترەوە، لەلايەن کارمەندانی تايبەتی ئەپڵەوە تايبەتمەندیيەکانی خرانە روو کە بەهۆی زۆری خواستی بەکارهێنەرانييەوە، دەتوانرێت ياریی پۆکيمۆن گۆوی پێوە ئەنجام بدرێت و لەگەڵ بوونی چەند خزمەتگوزارييەکی ديکە، بە سێ قۆناغيش دەکەوێتە بازاڕەوە.
![screen-shot-2016-09-07-at-1-32-02-pm](https://9to5mac.files.wordpress.com/2016/09/screen-shot-2016-09-07-at-1-32-02-pm.png?w=1000)
دواتر تيم کوک هاتەوە سەر ستەيج و گرنگترين بەرهەمی خۆيانی ئاشکراکرد ئەوانيش ئايفۆن حەوت و حەوت پڵەس بوون بە کۆمەڵێک تايبەتمەندی بەهێزەوە.
بەفەرمی راگەياندرا ئايفۆن حەوت دژە ئاو و تۆزە، کامێرای پشتەوەيان ١٢ مێگاپێکسڵە و کامێرای پێشەوەشيان حەوت مێگاپێکسڵە لەگەڵ کۆمەڵێک تەکنيکی بەهێز.
![](https://img.youtube.com/vi/FEVsMfZRCYI/0.jpg)